#  தாம்பத்யம் #

உறவுகளால்  உருவாக்கப்படும் ஒரு
உருவமில்லா கோவில்,
கற்சிலைக்கும் பொற்சிலைக்கும்
காலம் தோறும் மோதல்.

வெற்றியே தோல்வியென்னும்
சமன்பாடு சரியாகும்.
வெற்றிகளே வெற்றியென்னும்
சூத்திரங்கள் சுகமாகும்.

ஆத்திரத்தில் போட்டியிட்டால்
அந்தரங்கம் அழுக்காகும்.
சூத்திரங்கள் புரிந்து கொண்டால்
சொர்க்கமே வாழ்வாகும்.

மோகமும் ஆசையும் முப்போகமல்ல.
முப்பதும் அறுபதும் நாட்களுமல்ல.
பூச்சூடிய வாசமும் புன்னகை உதடுகளும்
அறுபதை தாண்டி தொடர்வதே அழகாகும்.

ஆண்கள் ஆவேசமும் பெண்கள் ஆக்ரோசமும்
அடங்கிப்போகும் விசயமல்ல.
ஒருவருக்கொருவரால் அடக்கப்பட வேண்டிய
அது ஒரு அழகிய நாகத்தின் விசம் .

வீங்கிய முலைகளும் வியர்த்த வயிறும்
துடைக்கு முன்பு சாய்தலே சுகம்.
உடம்புகளால் துடைப்பதொன்றே
அவரவர்க்கு இதம்.

புரிதலின் நெருக்கத்தில் பூக்களின் வாசம்
கசக்கி முகர்தலில் வருவதில்லை மோகம்.
மூடிய அறைக்குள் முழுவதும் சொந்தம்
திறந்த பின்பும் இனிதாக தொடருமந்த பந்தம்.

புரிந்து கொள்ளுங்கள்.
முதல் உறவிலல்ல.
முதலிரவின் வெற்றியில்
முக்கனியும் தோற்கும்.
அன்றைய தினத்தில்
பெண்களின் தோல்வி
ஆண்களுக்கு நரகம்.
ஆண்களின் தோல்வி
பெண்களுக்கு ரணம்.

வெற்றிகளுடன்
கவிதாயினி எழில்விழி.